Studentët jo-evropianë do të paguajnë më shumë në Francë

Qeveria franceze do të rrisë tarifat e regjistrimit në universitete për studentët jo-evropianë, duke theksuar se kërkon të tërheqë më shumë studentë ndërkombëtarë duke përmirësuar politikën e vizave dhe duke dhënë më shumë bursa.

Aktualisht, studentët jo-evropianë paguajnë njësoj si studentët francezë, ose 170 euro për një vit baçelor, 243 euro për masterin dhe 380 euro për doktoraturën.

Por duke filluar nga viti 2019, studentët jo-evropianë do të paguajnë 2 770 euro për baçelorin dhe 3 770 euro për masterin dhe doktoraturën, sipas qeverisë, transmeton “ATSH”.

Kjo rritje do të mundësojë kryesisht shtimin e numrit të bursave ose të heqjes së kostove të regjistrimit, nga të cilat do të përfitojnë 15 000 studentë në muajt në vijim, që vijnë kryesisht nga vendet në zhvillim (kundrejt 7 000 që janë aktualisht), përcjell albinfo.ch.