Suedia e para me numrin e azilkërkuesve nga Ballkani

Suedia ka pranuar 7.900 kërkesa për azil kryesisht nga qytetarë të ardhur nga Serbia, Kosova dhe Maqedonia

Suedia është vendi me numër më të madh të azilkërkuesve nga vendet e rajonit të Ballkanit që përfituan liberalizimin e vizave, raporton agjencia e lajmeve INA.Sipas të dhënave të Komisionit Evropian, në vitin 2010 që njihet si vit i parë i liberalizimit të vizave, Suedia ka pranuar një numër më të madh të kërkesave për azil, edhe atë 7.900 kërkesa kryesisht nga qytetarë të ardhur nga Serbia, Kosova dhe Maqedonia.

Në vend të dytë radhitet Gjermania e cila ka pranuar 6.500 kërkesa dhe në vendin e tretë Franca me 5.800 kërkesa. Për dallim nga viti i parë i liberalizimit, gjatë këtij viti numri i kërkesave ka qenë më i vogël.

Maqedonia ka ndërmarrë një sërë masash penale kundër qytetarëve të saj që keqpërdorin liberalizimin e vizave