Sulmoi me bombë autobusin e Dortmundit, dënohet me 14 vite burg

Një gjykatë në Gjermani e ka dënuar Sergej W. me 14 vite burgim, për vrasjen në tentative të 28 personave gjatë një sulmi drejt autobusit të skuadrës së futbollit të Borussia Dortmund.

Në atë rast ishte lënduar, mbrojtësi i atëhershëm i Dortmund, Marc Bartra dhe një oficer policie, përcjell albinfo.ch.

Tre shpërthime kishin goditur autobusin e ekipit gjerman teksa po largohej nga hoteli për ndeshjen e Ligës së Kampionëve më 11 prill të vitit 2017.

Prokurorët janë shprehur se Sergej W. mori para borxh për të vënë një bast se aksionet e Dortmund do të uleshin në vlerë, më pas vendosi bombat pranë autobusit dhe u mundua ta fshinte si një akt terrorist islamik.

E gjitha dukej si një film, por, në realitet kështu ndodhi, megjithatë, pa të vdekur, derisa tani Sergej W. U dënua me 14 vite burg.