Sulmuesi i Hoffenhaim, Asllani: I lumtur që do ta përfaqësoj Kosovën

Sulmuesi i Hoffenhaim, Fisnik Asllani, në ceremoninë e Federatës së Futbollit të Kosovës ka njoftuar se ka vendosur ta përfaqësojë Kosovën, përcjell albinfo.ch.

Asllani aktualisht luan te Austria Vjena si huazim, ndërsa u shpreh i lumtur për mundësinë që të luajë për Kosovën.

“Jam i lumtur që më ka ardhur mundësia te luajë për Kosovën. Falënderoj familjen time qe gjithmonë kanë qenë afër meje. Falënderoj edhe Agim Ademin e FFK-në”, ka thënë ai.

Ndryshe, sulmuesi konsiderohet ndër më të suksesshmit e momentit në futbollin gjerman, pasi me Gjermaninë U20, në shtatë ndeshje ka shënuar tre gola, teksa te Austria Vjena ka 11 ndeshje, me tre gola dhe një asistim.