Sveçla: Veriut duhet t’i kthehet normaliteti sa më shpejt

Ministri i Brendshëm i Kosovës, Xhelal Sveçla, ka deklaruar se çdo çast i kaluar nën bllokim të barrikadave të ngritura në veri nga grupe të armatosura e kriminale, është i tepërt.

Sipas tij, institucionet e Republikës së Kosovës i kanë të gjitha kapacitetet për t’i larguar barrikadat dhe në koordinim me partnerët tanë ndërkombëtarë janë duke vlerësuar situatën për reagim adekuat, transmeton albinfo.ch.

“Policët në veri po angazhohen me moral të lartë e me përkushtimin në ofrimin e sigurisë e në mbrojtjen e sovranitetit e integritetit territorial të vendit. Qytetarët e asaj zone po kërkojnë me ngulm heqjen e barrikadave dhe çdo çast i kaluar nën bllokim të barrikadave të ngritura nga grupe të armatosura e kriminale është i tepërt”, shkruan mes tjerash Sveçla.

Veriu i vendit, si çdo cep i Republikës, silas ministrit të Brendshëm, duhet të kthehet sa më shpejt në normalitet.