SVP dhe AUNS, me iniciativë kundër lirisë së lëvizjes me BE-në

SVP dhe AUNS me muaj të tërë janë konsultuar në lidhje me variantet e zgjidhjes që synojnë në këtë drejtim

Organizata AUNS (Aksioni për një Zvicër të Pavarur dhe Neutrale) planifikon që së bashku me SVP ta heqin nga fuqia marrëveshjen për liri të lëvizjes që Zvicra e ka me BE-në. Siç njoftojnë në botimet e tyre të sotme “SonntagsZeitung” dhe “SonntagsBlick”, të shtunën që vjen AUNS do të prezantojë propozimet e veta konkrete për rrëzimin e lëvizjes së lirë në mes Zvicrës dhe BE, shkeruan sda.ch

SVP dhe AUNS me muaj të tërë janë konsultuar në lidhje me variantet e zgjidhjes që duan. Strategu i SVP-së, Christoph Blocher ndjehet i tmerruar nga shifrat më të reja të migracionit, i cili nga fillimi i këtij viti për herë të parë pas një viti ka nisur të rritet, transmeton albinfo.ch. Blocher madje flet edhe për një kthesë të madhe, duke spekuluar se së shpejti do të kemi sërish 80 mijë migrantë të rinj në vit siç ishte para votimit pro Iniciativës kundër Migracionit Masiv.

Si shef të grupit punues, Blocher ka emëruar ish kryetarin e Grupit Parlamentar të SVP-së Caspar Baader. Të shtunën që vjen do të prezantohen opsionet në kuvendin e AUNS. Si variant minimal parashihet heqja dorë nga Marrëveshja për Lëvizje të Lirë. Ndërsa në kuvendin e SVP-së më 24 qershor, iniciativa pritet të miratohet dhe lansohet.