Swisscom forcon mbrojtjen ndaj thirrjeve spam

Kompania zvicerane prezanton paralajmërim të ri për thirrjet e dyshimta, duke rritur sigurinë për përdoruesit

Kompania e telekomunikacionit Swisscom ka njoftuar se po forcon mbrojtjen e klientëve ndaj thirrjeve të padëshiruara dhe mashtruese, duke prezantuar një funksion të ri paralajmërues “Kujdes: Spam i dyshuar”, përcjell albinfo.ch.

Ky tregues i ri do t’u shfaqet përdoruesve gjatë telefonatave hyrëse dhe do t’i ndihmojë ata të identifikojnë më shpejt thirrjet që mund të jenë reklamuese ose potencialisht mashtruese.

Swisscom kishte vendosur tashmë në vitin 2016 sistemin e filtrimit të thirrjeve, i cili prej më shumë se një dekade bllokon rreth tetë milionë thirrje spam çdo muaj.

Me funksionin e ri, kompania synon të rrisë edhe më tej nivelin e sigurisë dhe transparencës në komunikim, ndërsa ky shërbim do të aktivizohet automatikisht për të gjithë klientët ekzistues dhe të rinj. /Albinfo.ch

---