Talenti Mërgim Berisha vazhdon kontratën me “Red Bull Salzburg”

“Mërgimi ka pasur një zhvillim pozitiv gjatë muajve të fundit. Ai ka luajtur një sezon të mrekullueshëm të FC Liefering, dhe kështu e meriton t’ i jepet mundësia për të qenë pjesë e FC Red Bull Salzburg”, ka thënë drejtori sportiv i klubit të Salzburgut

Futbollisti i talentuar Mërgim Berisha ka vazhduar kontratën me klubin austriak “Red Bull Salzburg” deri në vitin 2020.

Kosovari 18 vjeçar pati një sezon fantastik gjatë kësaj vjeshte ku luajti si i huazuar në ekipin e ligës së dytë austriake FC Liefering. Për 19 paraqitje, ai arriti të shënojë 11 gola, shkruan “albinfo.ch”.

“Mërgimi ka pasur një zhvillim pozitiv gjatë muajve të fundit. Ai ka luajtur një sezon të mrekullueshëm të FC Liefering, dhe kështu e meriton t’ i jepet mundësia për të qenë pjesë e FC Red Bull Salzburg”, ka thënë drejtori sportiv i klubit të Salzburgut, Christoph Freund, njoftojnë mediat austriake.

Nga janari i vitit 2017, Mërgimi do të jetë bashkëlojtar i reprezentuesit të Kosovës, Valon Berisha, i cili po ashtu është pjesë e klubit të Salzburgut.

Ekipi futbollistik FC Red Bull Salzburg është klubi më i suksesshëm në dekadën e fundit në Austri, i cili për dhjetë vitet e fundit ka fituar shtatë herë titullin kampion.