Targa “ZH 50” këtë muaj del në ankand, ky është çmimi

District President Mario Fehr with the "ZH 50" license plate. Source: Security Directorate

Më 24 gusht do të dalë në ankand targa “ZH 50”. Që nga ajo kohë, tifozët e makinave mund të bëjnë ofertat e tyre.

Çmimi fillestar për targën është 8000 franga.

“Është targa e parë me dy shifra në kanton dhe të interesuarit mund të bëjnë ofertat e tyre deri më 30 gusht,” thotë zëdhënësi i mediave për Zyrën e Trafikut Rrugor të Cyrihut, Severin Toberer, shkruan 20minuten.

Kantoni i Cyrihut ka nxjerrë në ankand targat për ofertuesin më të lartë që nga viti 1995.

Në vitin 2022 targa “ZH 100” u shit për 226,000 franga. Për këtë targë u dhanë edhe 350 mijë, por që ofertuesit ishin të dyshimtë.

194,000 CHF u shit targa “ZH 888” në qershor të vitit të kaluar.

Në vitin 2018 targa “ZG 10” ka qenë e para në Zvicër, për të cilën janë paguar 233 mijë franga.

Të ardhurat nga ankandet javore derdhen në thesarin e shtetit të Cyrihut. Në vitin 2021, shoferët e Cyrihut shpenzuan 5.1 milionë CHF në targa speciale. Në vitin 2022, ankandet sollën 5.5 milionë franga në arkën e shtetit, përcjell albinfo.ch.