Të diplomuarit premtojnë ta bartin dijen zvicerane në Shqipëri

Qindra studentë nga 17 vende të botës përfunduan ciklin e studimeve në B.H.M.S, ku u shpërblyen me marrjen e diplomës Bachelor dhe Master, në një ceremoni jubilare në sallën historike zvicerane në hotelin “Schweizerhof” në Lucern, të cilën e kishte projektuar Leonhard Zeugheer (1812-1866), e në të cilën kishte festuar Eugenie, gruaja e Napoleonit III.

Të diplomuarit për presidentin e “Bendetict of Education Gropup” dhe B.H.M.S., Heinrich Meister, janë kampionë të dijes. Në fjalën e tij përshëndetëse të rastit, të sapodiplomuarve dhe të pranishmëve ai ua përcolli fjalët më të mira dhe ngazëllimin mbi sukseset dhe perspektivën pozitive që ai sheh te kjo gjeneratë.  «E ardhmja është juaja», tha Meister.

Ndërsa krahu i djathtë i presidentit, shqiptari Arsen Shoshi,  tha se të diplomosh një numër kaq të madh studentësh, do të thotë të ndjehesh shumë i përgjegjshëm përballë faktit nëse cilësia dhe standardi kanë qenë në nivelin që do të duhej dhe ky brez i ri i diplomuar të jetë i përgatitur profesionalisht”, tha Arsen Shoshi, udhëheqës për investime në këtë shkollë në Zvicër.

Ai ndjehet i privilegjuar që në ceremonitë e diplomimit, vendeve të mbarë botës po u shtohen edhe Shqipëria, Kosova dhe Maqedonia.