Dy modele flokësh për samitin e presidentit amerikan dhe atij veri-korean

Për ata që preferojnë të tejkalojnë shijet e tyre sa i përket modelit të flokëve, dy të tilla shumë të famshme janë duke u ofruar falas në Vietnam.  

Për nder të samitit në ardhje mes presidentit amerikan dhe liderit veri-korean, më 27 e 28 shkurt, një berber në Hanoi po ofron modele flokësh falas sikurse të dy liderëve për të gjithë ata që duan të kenë këtë pamje dalluese.  

“Ndihem mirë me këtë model flokësh, sepse njerëzit do të mendojnë se dukem sikurse Kim Jong Un”, tha 9- vjeçari Gia Huye, modeli i flokëve të të cilit duket identike me atë të veri-koreanmit.  Akademia e bukurisë ‘Tuan Duong’ do të vazhdojë me këtë promocion deri më 28 shkurt, kur qindra zyrtarë do të zbresin në këtë qytet për nevojat e samitit të dytë ndërmjet Donald Trumpit dhe Kim Jong Unit. “E bëja këtë vetëm për argëtim, por u befasova sa të interesuar ishin njerëzit për këto dy modele flokësh”, tha Le Tuan Duong, berber dhe pronar, përcjell albinfo.ch.

Dhe, ndonëse kjo ide ishte mirëpritur nga shumë njerëz, publiciteti është i rrezikshëm kur flitet për liderin veri-korean. Koreja Veriore është shumë e ndjeshme ndaj çdo gjëje që mund të konsiderohet si ofendim ndaj dinjitetit të liderit suprem, siç njihet. Në vitin 2014, zyrtarët e Ambasadës Veri-koreane në Londër u ankuan ndaj një berberi, i cili pohonte se është ditë e frizurës së keqe, për të përshkruar modelin e flokëve e Kimit.