Të ndara me ekipe, por bashkë me zemër

Shqipëria në këto Lojëra Olimpike Dimërore do të përfaqësohen me dy skiator: Erjon Tola dhe Suela Mëhilli, ndërkohë Kosova përfaqësohet nga me garuesin e vetëm, skiatorin Albin Tahiri

Dy ekipet olimpike të Shqipërisë dhe Kosovës janë bërë bashkuar sot në Korenë e Jugut, ku sot është mbajtur ceremonia hapëse e Lojërave Olimpike Dimërore. Dy ekipet kanë realizuar edhe një foto së bashku para nisjes së ceremonisë, për të treguar se edhe pse të ndarë në dy ekipe, me zemër janë bashkë.

Shqipëria në këto Lojëra Olimpike Dimërore do të përfaqësohen me dy skiator: Erjon Tola dhe Suela Mëhilli, ndërkohë Kosova përfaqësohet nga me garuesin e vetëm, skiatorin Albin Tahiri.

Presidenti i Kosovës, Hashim Thaçi ka thënë se përfaqësohemi i shtetit tonë në Lojërat Olimpike Dimërore është dhurata më e mirë për dhjetëvjetorin e pavarësisë së Kosovës. Ai në facebook ka shkruar se ishte një parakalim madhështor i ekipit olimpik me Flamurin e Kosovës në Pyeongchang të Koresë së Jugut, para miliona teleshikuesve nga mbarë bota.

“Kjo është hera e parë në historinë e shtetit tonë, që përfaqësohemi në Lojërat Olimpike Dimërore. Është dhurata më e mirë për dhjetëvjetorin e pavarësisë së Kosovës, bashkë me medaljen e artë të Majlinda Kelmendit, dy vjet më parë në Olimpiadën e Rios”, ka shkruar ai.