Të rinjtë shqiptarë në Turqi dhurojnë rreth një mijë çanta për nxënësit e Durrësit

Çanta të mbushura me mjete shkollore, për nxënësit në Durrës

Është bërë e ditur se Lidhja e Rinisë Shqiptare në Turqi ka sjellë ndihma për nxënësit e shkollave në qarkun e Durrësit, të cilët u prekën nga tërmeti i rënë më 26 nëntor.

Thuhet se ndihma konsiston në mjete didaktike për mbarëvajtjen e procesit mësimor, si lapsa, fletore e mjete të tjera shkollore.

Në total kjo shoqatë ka dhuruar rreth një mijë çanta të mbushura me artikuj të ndryshëm, ndërsa transporti është bërë nga Gjysmëhëna Turke.

Thuhet se çantat iu dhuruan klasave fillore, nga klasa e parë deri në të pestën.

Po ashtu u dërguan çanta në shkollën me aftësi te kufizuar Durrës, shkollën “Riza Shera” Rade, shkollën “Zyrber Sallaku” Manëz dhe shkollën “Rexhep Mezini”, Ishëm, përcjell albinfo.ch.

---