Tek të sëmurët rëndë me kovid paraqitet problemi i kujtesës

Këto rregullime kanë ndodhur tek 13 për qind e pacientëve ambulatorë, ndërsa tek ata që trajtoheshin në spital, kanë ndodhur në 35 për qind të rasteve

Pasojat konjitive (njohëse) afatgjata të sëmundjes me Covid-19, sipas një studimi të ri,  ndodhin gjithnjë e më shumë pas rrjedhave më të rënda të sëmundjes.

Studimi i realizuar në SHBA dhe i publikuar në revistën “Jama” tregon se pacientët me korona, të cilët ishin shtruar në spital prekeshin shumë herë më shpesh në disa zona sesa njerëzit që trajtoheshin në baza ambulatore, shkruan srf.ch.

Te pacientët me rrjedhë më të rëndë të koronës janë konstatuar dallime veçanërisht të theksuara në çrregullimet e gjetjes së fjalëve, trasnmeton albinfo.ch. Këto çrregullime kanë ndodhur vetëm tek 13 për qind e pacientëve ambulatorë, ndërsa tek ata që trajtoheshin në spital, ato kanë ndodhur në 35 për qind të rasteve.

Por kishte janë gjetur dallime të konsiderueshme edhe sa u përket problemeve të vëmendjes dhe kujtesës.

Studimi është kryer me të dhëna nga 740 pacientë Covid-19 të regjistruar në grupin spitalor amerikan Mount Sinai, përcjell albinfo.ch. Në përgjithësi, ata kishin më shumë gjasa të kishin probleme në memorizimin ose kujtimin e diçkaje – kjo ka prekur pothuajse një në katër persona, të përfshirë në studim.

---