Telegrame të shumta ngushëllimi për vdekjen e gazetarit sportiv, Agim Binaku

Kolegë, sportistë dhe klube të ndryshme sportive në Kosovë kanë ngushëlluar familjen Binaku, derisa një telegram ngushëllimi ka dërguar edhe kryeministri i Kosovës, Ramush Haradinaj, si dhe presidenti i Kosovës, Hashim Thaçi

Sot, në moshën 62 vjeçare, pas një sëmundjeje të rëndë, ka vdekur gazetari Agim Binaku. Ai ishte zëvendësdrejtor i programit informativ të Radio Televizionit 21 dhe redaktor përgjegjës i redaksisë së sportit po në këtë televizion, shkruan albinfo.ch.

Në vitet ‘70 dhe ‘80 ai ka punuar në Radio Prishtinë, duke drejtuar emisione sportive.

Mbledhja komemorative në nderim të Agim Binakut, siç bëhet e ditur, do të mbahet të shtunën në Sheshin 21 në orën 10:30, ndërsa varrimi po nesër në varrezat e qytetit në Prishtinë në orën 12:00.

Kolegë, sportistë dhe klube të ndryshme sportive në Kosovë kanë ngushëlluar familjen Binaku, derisa një telegram ngushëllimi ka dërguar edhe kryeministri i Kosovës, Ramush Haradinaj, si dhe presidenti i Kosovës, Hashim Thaçi.

Gjithashtu familjen dhe kolegët i kanë ngushëlluar edhe Komiteti Olimpik i Kosovës, Federata e Futbollit e Kosovës, familja Cana e shumë të tjerë.