Teleskopi ‘Dark Explorer’ lëshohet në hapësirë

ESA Euclid Mission, Twitter

Teleskopi Euklid është nisur me sukses në hapësirë, në një mision për të kuptuar disa nga misteret më të mëdha të universit.

Teleskopi hapësinor prej 1.4 miliardë eurosh ishte gati të ngjitej në një raketë Falcon-9 nga Kepi Canaveral në Florida të shtunën, shkruan BBC.

Teleskopi u lëshua në hapësirë si pjesë e një misioni që do të krijojë një hartë të madhe 3D të kozmosit, në një përpjekje për të kuptuar më mirë të ashtuquajturën “lëndë të errët dhe energji të errët”.

Studiuesit nuk dinë praktikisht asgjë për këto fenomene, të cilat duket se përbëjnë shumicën dërrmuese të universit, përcjell albinfo.ch.

Edhe pse kryesisht një projekt i Agjencisë Evropiane të Hapësirës, misioni ka të dhëna të rëndësishme shkencore dhe inxhinierike nga agjencia hapësinore amerikane NASA.

Euklidi do të kryejë punën e tij nga një pozicion vëzhgimi në anën e kundërt të planetit tonë me Diellin.