Tërnava: Të kemi solidaritet, bashkëpunim dhe paqe mes shqiptarëve

Besimtarët myslimanë në Kosovë festojnë Festën e Kurban Bajramit.

Vlen të theksohet se si herët e kaluara, ashtu edhe sot manifestimi qendror kushtuar kësaj feste është mbajtur në “Xhaminë e Madhe” në Prishtinë.

Në mesazhin e tij para besimtarëve Myftiu Naim Tërnava ka thënë se kujton solidaritetin, sakrificën dhe ndihmën e ndërsjellë.

Tërnava e thënë se krahas pelegrinazhit të haxhit, aspekt kryesor i kësaj feste është therja e kurbanëve dhe ndarja e tyre për ata që kanë nevojë.

“Pse të mos e mbështesim njëri-tjetrin me Kurban”, ka thënë Tërnava gjatë mesazhit të tij pas faljes së namazit të Kurban Bajramit.

Tërnava, ndër të tjera, ka bërë edhe thirrje për paqe e bashkëpunim në mes të njerëzve që u takojnë popujve, racave, gjuhëve, shteteve të ndryshme, duke thënë se ky është mesazh i zotit.