‘The House With a Clock in its Walls’, filmi më i shikuar i javës

Filmi i fundit i studios televizive Universal Pictures, ‘The House With a Clock in its Walls’ ka zënë vendin e parë në arkat amerikane filmike në javën e parë të shfaqjes, raportoi ueb-faqja e kësaj fushe, Box Office Mojo.  Filmi, i cili paraqet regjisorin e filmave horror për herë të parë në radhën e regjisorëve të dramave familjare dhe rolet kryesore të filmit Cate Blanchett dhe Jack Black, mori 26.85 milionë dollarë, sipas ueb-faqes.

‘A Simple Favor’, triler ky me Anna Kendrick dhe Blake Lively në rolet kryesore është në vendin e dytë të arkave filmike me 10.4 milionë dollarë të fituara, përcjell albinfo.ch.

E filmi horror tashmë shumë i famshëm “The Nun” ka zënë vendin e tretë me 10.2 milionë dollarë këtë fundjavë.

Filmi më i shikuar i javës së shkuar “The Predator” tashmë është në vendin e katërt me 8.7 milionë dollarë.  Kurse filmi ‘Crazy Rich Asians’ i studios filmike Warner Bros është në vendin e pestë derisa fitoi 6.5 milionë dollarë përgjatë javës sipas Box Office Mojo.