Thirrje për të ndihmuar punësimin e grave në Kosovë

Fondacioni “Aksioni për Nëna dhe Fëmijë’ (ANF), me seli në Prishtinë, sot po ngrit fonde për gratë e Kosovës, duke garuar për financim në platformën botërore GlobalGiving karshi qindra organizatave të tjera të huaja. Fushatën mund ta gjeni në vijim:

Linku

Këtë të mërkurë, GlobalGiving po ndan $15,000 për pjesëmarrësit e platformës, ndërsa fondacioni Kosovar po konkurron për të përfituar nga fondet që do të ndahen. Se çfarë shume ky projekt do të përfitojë, varet nga numri dhe shuma që donatorët do të ndajnë.

Duke filluar nga $1, gjithsecili mund të mbështesë këtë mision humanitar dhe të ndihmojë drejt hapjes së vendeve të reja të punës në industrinë e tekstilit për gratë e marxhinalizuara në Kosovë. Fondacioni Kosovar aktualisht qëndron në poziten e pestë, por me ndihmën e komunitetit shqiptar, fushata mund të lëvizë në pozita udhëheqëse!

—

Aksioni për Nëna dhe Fëmijë është fondacion humanitar që i përkushtohet shpëtimit të jetës së fëmijëve dhe nënave në Kosovë. Ky fondacion zhvillon programe shëndetësore në klinikat gjinekologjike/obstetrike (që përkujdesen për nënat), Njësitë e Kujdesit Intensiv Neonatal (që përkujdesen për foshnjet e lindura para kohe) dhe klinikat pediatrike (që përkujdesen për fëmijë të sëmurë nga leukemia, sëmundje të zemrës, astma dhe sëmundje të tjera) në Republikën e Kosovës. Për më shumë www.amchealth.org

Kontakt:

e-mail: info@amchealth.org

tel: +386 49 110 333

www.amchealth.org

https://www.facebook.com/actionformothersandchildren