Tottenhami dhe Lazio, afër ofertës për Vedat Muriqin

Dy ekipet e njohura evropiane, ajo angleze, Tottenham dhe ajo italiane, Lazio, janë shumë afër të propozimit të ndonjë oferte për lojtarin e Kosovës, Vedat Muriqin.

Këto dy ekipe janë bindur se sulmuesi i Përfaqësueses së Kosovës, Vedat Muriqi, mund të jetë përforcim i madh gjatë afatit kalimtar të janarit.

Sipas raportimeve nga mediumet e huaja sportive, skautët e Tottenhamit dhe Lazios ishin të pranishëm në Prishtinë për ta përcjellë Muriqin nga afër në ndeshjen ndërmjet Kosovës dhe Malit të Zi që u luajt të hënën.

Muriqi shënoi njërin prej golave në fitoren 2:0 të Kosovës në kuadër të eliminatoreve për “Euro 2020”.

Thuhet se skautët e të dy ekipeve kanë mbetur të kënaqur me atë çfarë tregoi Muriqi në fushë dhe tashmë priten ofertat zyrtare për Fenerbahçen, përcjell albinfo.ch.