Trafiku hekurudhor do të ndërpritet në Zvicrën perëndimore

Tren Page Pixabay pasja1000

Sipas Hekurudhave Federale Zvicerane (SBB), për shkak të punimeve të mëdha që po zhvillohen për mirëmbajtjen dhe zhvillimin e infrastrukturës hekurudhore, priten ndërprerje në disa linja, transmeton albinfo.ch.

Nga e premtja, në orën 22:00 dhe deri të hënën në mëngjes nuk do të lëvizë treni midis Neuchâtel dhe Biel. Autobusët e drejtpërdrejtë ekspres do të jenë në shërbim midis dy qyteteve dhe autobusët rajonalë do të shërbejnë në stacionet e ndërmjetme.

Punimet gjithashtu do të ndërpresin shërbimin e trenit midis La Chaux-de-Fonds dhe Bernës, dhe midis Neuchâtel dhe Fribourg.

Linja midis Lozanës dhe Vevey do të përfundojë në stacionin Cully dhe shumica e trenave InterRegio midis Gjenevës-Aeroportit dhe Brig do të preken gjithashtu.

Në dy fundjavat në vijim, 13 dhe 14 nëntor, si dhe 20 dhe 21 nëntor, trafiku hekurudhor do të ndërpritet rreth Lozanës, me shumë trena që normalisht kalojnë nëpër Lozanë do të anulohen ose do të lëvizin sipas një orari të modifikuar, tha SBB.

Mund të shihni të gjitha përditësimet në aplikacionin SBB.