Tre kamikazë kishin planifikuar sulmin në qendrën tregtare në Essen

Tre burra vetëvrasës po planifikonin një sulm me bombë në një qendër tregtare në Essen, duke aktivizuar eksplozivin në trupin e tyre, shkruajnë mediat gjermane të hënën, duke zbuluar detajet e këtij kërcënimi, për shkak të të cilit ishte mbyllur qendra gjatë fundjavës në këtë qytet.

Gazeta gjermane “Die Welt” shkruan se të dyshuarit planifikonin për të kryer sulmin në një qendër tregtare në Essen nga ora 16.30, të shtunën, më 11 mars. Gazeta gjithashtu thekson se organizatori ishte një 24-vjeçar, Imran K. Reme. Në qytetin e afërt të Oberhausen besonin se ai udhëtoi në prill 2015 në Siri nëpërmjet Turqisë, për të luftuar në anën e Shtetit Islamik, ISIS, organizatës xhihadiste.

Autoritetet gjermane thuhet se deri në vitin 2015 e kishin mbikëqyrur si person potencialisht të rrezikshëm. Gazeta “Die Welt” shkruan se ai ka rekrutuar nëpërmjet rrjeteve sociale disa organizata radikale ekstremiste islamike. Ai ka përcaktuar kohën e saktë dhe vendin e sulmit, kanë thënë burime nga prokuroria dhe të rendit, të bëra nëpërmjet rrjeteve sociale, përcjell albinfo.ch.

Qendra tregtare “Limbeker Platz” të shtunën ishte evakuuar dhe fortifikuar, pasi policia tha se agjencitë e sigurimit kishin marrë “dëshmi shumë konkrete” të një sulmi të planifikuar. Policia thotë se në lidhje me sulmin e planifikuar janë marrë në pyetje dy burra në qytetin e afërt të Oberhausenit, por në ndërkohë u liruan.

“Limberker Platz” është një nga qendrat më të mëdha tregtare në Gjermani dhe të shtunave mesatarisht e vizitojnë rreth 60 mijë njerëz. Ndërkohë qendra është rihapur për vizitorët.