Tre kosovarë dhe dy zviceranë arrestohen në Gjilan

Pesë persona janë arrestuar mbrëmë në Gjilan për posedim të substancës narkotike. 

Sipas raportit të Policisë së Kosovës, tre nga të arrestuarit janë kosovarë, kurse dy të tjerët me nënshtetësi zvicerane. 

 “Janë arrestuar pesë të dyshuar meshkuj shqiptarë, tre prej tyre kosovarë, ndërsa dy të tjerë me nënshtetësi zvicerane, pasi që gjatë kontrollit në automjetin në të cilin gjendeshin, është gjetur dhe sekuestruar një sasi substancë e dyshuar narkotike e llojit Marihuanë në peshë 1095.7 gramë. Me vendim të prokurorit, të dyshuarit janë dërguar në mbajtje”, bëhet e ditur në raport.