Tri doza të vaksinës nuk kërkohen as nga OBSH-ja, vetëm në Kosovë

EPA/ETIENNE LAURENT

Një “keqkuptim” ka ndodhur në mes të Ministrisë së Shëndetësisë dhe Organizatës Botërore të Shëndetësisë. Ministria e Shëndetësisë kërkon nga të gjithë qytetarët, të cilët hynë në Kosovë të dëshmojnë se kanë bërë tashmë të tri dozat e vaksinës anti-COVID. Apo, ata të cilët kanë vetëm dy doza të vaksinave të prezantojnë edhe testin RT-PCR të bërë brenda 48 orëve.

Në anën tjetër, Organizata Botërore e Shëndetësisë ka paraparë se kufizimi i udhëtimeve nuk ka sjellë ndonjë rezultat të mirë për të parandaluar përhapjen e pandemisë, mirëpo vetëm kontribuon në stresin ekonomik dhe social.

OBSH u ka bërë thirrje vendeve që të mos e kërkojnë dëshminë e vaksinimit kundër Covid për udhëtarët.

Kosova është i vetmi vend në rajon, i cili kërkon tri doza të vaksinave për qytetarët, të cilët kalojnë përmes pikave kufitare.