Tri tërmete të forta brenda një ore godasin Kroacinë

Njëri nga tërmetet ishte prej 5.2 shkallësh Rihter, ende nuk ka të dhëna për dëmet eventuale.

Kroacia është goditur nga disa tërmete, me një shkallë relativisht të lartë, me madhësi 5.2 goditi pjesën veriperëndimore të Kroacisë këtë mëngjes, me epiqendrën 12 kilometra në jugperëndim të Sisakut, njoftoi Qendra Sizmologjike Mesdhetare Evropiane, përcjell albinfo.ch.

Sipas mediave të huaja, Shërbimi Sizmologjik Kroat njoftoi se pas tërmetit të fortë këtë mëngjes, zona e Petrinja u godit nga dy tërmete relativisht të fortë në një periudhë shumë të shkurtër kohe.

Duhet theksuar se tërmeti i parë pasues ndodhi në orën 07:49 të mëngjesit dhe fuqia e tij ishte 4.7 shkallë të Rihterit. Vetëm dy minuta më vonë u regjistrua një tërmet me fuqi 4.1.

“Ende nuk kemi raporte, por është e mundur që një tërmet i tillë të shkaktojë dëme material në zonën e epiqendrës, e cila ishte në afërsi të qytetit të Petrinjas”, tha sizomologu Kresimir Kuk.

Siç bëhet e ditur, njerëzit në Sisak dolën nga shtëpitë e tyre nga frika, ndërsa alarmet e makinave dëgjoheshin në të gjithë qytetin.

Ndërkohë që dëmtimi është i dukshëm në rrugët e Petrinja – fasadat janë plasaritur, dhe pjesë të ndërtesave kanë rënë në rrugë.

---