Turistët e huaj, të vetmit që vizitojnë muzetë

“E vizitova muzeun për të marrë një përshkrim të historisë së Shqipërisë. Historia juaj është mjaft e lidhur me luftën e dytë botërore. Këtu mund të kalosh një ditë të tërë”, thotë një turiste e ardhur nga Gjermani

Tirana vizitohet shumë nga turistët e huaj që zgjedhin të udhëtojnë një ditë apo më shumë në Shqipëri. Ndër ndalesat e para në kryeqytetin shqiptar janë muzetë që nuk janë të paktë.

Muzetë në Tiranë pothuajse janë të vetmit që vizitojnë ata. Në muzeun Kombëtar thonë se turistët më të shpeshtë janë ata nga Gjermania, Portugalia, Çekia e Italia.

“Është shumë interesante. Ju keni histori që nga periudha paleolite e deri në ditët e sotme. Guidat thonë që ky muze duhet vizituar dhe mendoj se ja vlen rruga deri këtu”, tha një vizitore portugeze për TCH.

“E vizitova muzeun për të marrë një përshkrim të historisë së Shqipërisë. Historia juaj është mjaft e lidhur me luftën e dytë botërore. Këtu mund të kalosh një ditë të tërë”, thotë një turiste e ardhur nga Gjermani, përcjell albinfo.ch.

Edhe në një tjetër muze, “Bunkart 2”, që përcjell tek vizitorët pjesë të historisë së komunizmit të Shqipërisë është bërë atraksion për turistët.  Periudha e verës sjell më shumë vizitorë në dyert e muzeve, por disa në Tiranë ende nuk janë hapur siç është muzeu i Natyrës, i cili do të qëndrojë edhe për disa ditë i mbyllur për shkak të procesit të dizinfektimit.