Uashingtoni e padit Facebook-un për keqpërdorim të të dhënave

Kryeprokurori i Uashingtonit ka njoftuar se kryeqyteti amerikan ka ngritur padi kundër rrjetit social Facebook lidhur me skandalin që shpërtheu më herët këtë vit me kompaninë “Cambridge Analytica” dhe shfrytëzimit të tyre të të dhënave personale të përdoruesve.

Karl Racine në një njoftim ka thënë se Facebook-u ka dështuar të mbrojë privatësinë e përdoruesve dhe i ka mashtruar, përcjell albinfo.ch.

E padia vjen në kohën kur ka raporte të reja se Facebook-u shpërndau të dhënat personale të përdoruesve edhe me platforma të tjera. “Cambridge Analytica”, e cila punoi për një kohë edhe në fushatën e presidentit Trump kishte qasje në të dhënat personale të së paku 10 milionë njerëzve që e përdorin rrjetin social Facebook.