UBS kërkon 6 miliardë dollarë, rrezikohen vendet e punës

(KEYSTONE/Michael Buholzer)

UBS është duke kërkuar garanci nga qeveria në vlerë prej 6 miliardë dollarësh, ka thënë një burim i Reuters. Negociatat janë duke vazhduar dhe numri mund të ndryshojë. Megjithatë, paratë janë të parapara për të mbuluar shpenzimet që dalin nga marrëveshja me Credit Suisse, shkruan 20minuten, përcjell albinfo.ch.

Me këtë bashkim që pritet të ndodhë janë duke u rrezikuar mijëra vende pune. Sipas Reuters, bëhet fjalë për 10,000 punëtorë që do largohen. “Do ketë shumë staf, të dy bankat me 300 degë, është shumë. Ka duplifikim në IT, burime njerëzore, menaxhim, kjo është situatë e vështirë”, thonë ekspertët, shkruan 20minuten, përcjell albinfo.ch.