Uliks Gjonaj, shqiptari nga Gjakova në Njësinë Speciale të Amerikës

Vetë emri i tij simbolizon trimërinë, zgjuarsinë, guximin dhe dashurinë e përjetshme.

Ai është Uliksi, shqiptari i vetëm në botë që stërvit ushtritë dhe policitë më të fuqishme në SHBA e Evropë, transmeton albinfo.ch.

Uliks Gjonaj ka lindur në Plankqor të Gjakovës. Me punë dhe përkushtim, ai arriti të bëhet instruktori i vetëm i instruktorëve, jo vetëm në Evropë, por edhe në SHBA.

Uliks Gjonaj është emër i njohur edhe për policinë zvicerane. Kohë më parë ai ua mësoi instruktorëve zviceranë metodat më të reja të arteve marciale.

Gjonaj është instruktor ndërkombëtar i licencuar për stërvitjen e instruktorëve policorë me metodat më të reja të arteve marciale «Commando Krav Maga».

Në Las Vegas ai ka specializuar për lufën kundër terorrizmit. «Atje kam mësuar metodat e ndërhyjres së shpejtë në një qendër që kërcënohet nga terorrizmi», tregon Gjonaj. Ai është anëtar i policisë ndërkombëtare dhe mban me vete kartelën e policisë, të lëshuar nga Shtetet e Bashkuara të Amerikës. Kjo ndryshe njihet si International Police Assocation (IPA).

Në Amerikë ai tashmë ka stërvitur me mijëra instruktorë të policisë amerikane. Instruktori Gjonaj ka trajnuar po ashtu policinë zvicerane, austriake, shqiptare ukrainase dhe shumë policë të shteteve të tjera.

Fjalëpak, i qetë, modest e me rrënjë arbërore, ai sakaq u bë shqiptari më i dëgjuar i botës, duke e bërë krenar tërë kombin. /Albinfo.ch