Unioni i Bizneseve shqiptaro-gjermane kërkon bojkot ndaj produkteve serbe

Pas lobimit të ashpër të Serbisë për mos t’u pranuar Kosova në Interpol, Unioni i Bizneseve shqiptaro-gjermane ka kërkuar që të bojkotohen të gjitha produktet nga Serbia.

“Të indinjuar thellë me lobimin e fundit nga Serbia për mos pranimin e Republikës së Kosovës në organizatën për siguri INTERPOL, kryesia e UNIONIT TË BIZNESEVE SHQIPTARO-GJERMANE, i fton të gjithë anëtarët e saj që deri më tani kanë investuar në Kosovë, por edhe tërë qytetarët e Republikës së Kosovës që ti bojkotojnë të gjitha prodhimet nga Serbia.

Masat e ndërmarra nga Qeveria e Republikës së Kosovës për ngritjen e taksave prej 10% për prodhimet serbe, duhet të fuqizohet nga të gjithë ne me bojkot total të prodhimeve serbe”, thuhet në komunikatën e lëshuar nga UB.