Ursula von der Leyen: Nevojitet një debat mbi vaksinimin me detyrim kundër COVID

Presidentja e Komisionit Evropian, Ursula von der Leyen, deklaroi të martën se nevojitet një debat mbi vaksinimin me detyrim kundër COVID, duke qenë se vetëm 66.2% e popullsisë evropiane është e imunizuar.

“Është e kuptueshme dhe e përshtatshme ta mbajmë këtë debat tani. Mund të inkurajojmë dhe të mendojmë për vaksinimin e detyruar në BE. Kjo kërkon një diskutim dhe një qasje të përbashkët, por më parë duhet të mbahet një diskutim”, tha Ursula von der Leyen, presidente e Komisionit Evropian.