Ushtria Amerikane i bën pritje madhështore kryeministrit Haradinaj


“Gjenerali Tymothy Orr dhe Garda Nacionale e Iowas më rezervuan një pritje madhështore në bazën ushtarake të njësitit të helikopterëve luftarakë “Black Haw”, tha kryeministri Haradinaj

Kryeministri i Republikës së Kosovës, Ramush Haradinaj, është pritur në mënyrë madhështore nga komandanti i Gardës Kombëtare të Iowa-s, gjenerali Tymothy Orr, në bazën e ushtrisë amerikane, njësiti  i helikopterëve luftarakë “Black Hawk”. Kryeministri kosovar u shpreh i kënaqur që ishte në mesin e ushtrisë më të fuqishme botërore.

Me këtë rast, kryeministri Haradinaj nga Gjenerali Orr dhe zyrtarët tjerë të ushtrisë amerikane, është njohur për së afërmi me këtë bazë unike si dhe me helikopterët luftarakë “Black Hawk”, thuhet në njoftim transmeton Zyra e  Kryeministrisë.

“Është nder i posaçëm të jesh në mesin e ushtrisë mike të popullit të Kosovës, Ushtrisë amerikane.
Gjenerali Tymothy Orr dhe Garda Nacionale sot në Iowa më rezervuan një pritje madhështore në bazën ushtarake të njësitit të helikopterëve luftarakë “Black Hawk”, ka thënë kryeministri Haradinaj.

Kryeministri kosovar po qëndron në SHBA, i ftuar nga presidenti amerikan Donal Trump për të marrë pjesë në “lutjet e Mëngjesit”. Ai këtë vizitë e ka shfrytëzuar për t’u takuar edhe me zyrtarë amerikanë.