Ushtria Zvicerane: Nuk kemi shkëmbime me Ukrainën

Si jo-anëtare, Zvicra nuk ka qasje në gjetjet e NATO-s nga lufta në Ukrainë. Prandaj ajo varet nga vullneti i mirë i vendeve të tjera

Ushtria e Zvicrës po heq dorë qëllimisht nga ekspertiza nga Ukraina. Departamenti Federal i Mbrojtjes (VBS), sipas informacionit të marrë nga “NZZ am Sonntag”, shprehet se ligji i neutralitetit do të lejonte një shkëmbim të tillë. Por VBS nuk shpjegoi pse po përmbahet nga kjo, transmeton albinfo.ch.

Sipas gazetës, kjo mungesë e qasjes dhe mbikëqyrjes së drejtpërdrejtë në luftë, e cila po e detyron ushtrinë të riorganizohet dhe modernizohet, është një pengesë e rëndësishme.

Sipas “NZZ am Sonntag”, Shefi i Ushtrisë Benedikt Roos i tha Komisionit të Politikave të Sigurisë se Zvicra varet nga vullneti i mirë i vendeve të tjera.

Si jo-anëtare, Zvicra nuk ka qasje në gjetjet e NATO-s nga lufta në Ukrainë. Prandaj, Zvicra shkëmben informacione me Danimarkën dhe Poloninë.

---