Vajza refuzon martesën e dhunshme

Një kosovare 18-vjeçare, në dhjetor të vitit të kaluar, kishte refuzuar martesën me një të panjohur, ndërsa i ati i saj 50-vjeçar e kishte mbyllur në shtëpi duke e kërcënuar se do ta vrasë. Gjatë pasdites të së enjtes, kosovari duhet të përgjigjet para Gjykatës së Rrethit të Grazit në Austri, për veprat penale „privim nga liria“ dhe „detyrim i rëndë“.

Ai akuzohet se të bijën e tij e kishte mbyllur shpeshëherë, duke e kërcënuar se po që se nuk martohet me një shqiptar, do ta vrasë. I akuzuari me vendbanim në Leibnitz, gjithahstu i ka thënë të bijës „po që se e lëndon nderin e familjes, në botë do të ketë një njeri më pak“.

Vajza e tij do të duhej të martohej ekskluzivisht me një shqiptar, por se nuk duhet të ketë marrëdhënie para martesës, përndryshe do të shkonte në burg për vrasje. Prindi kosovar akuzohet gjithashtu se për dy ditë me radhë e kishte mbajtur të bijën të mbyllur në banesë.