Vaksina kineze kundër Kovid-19 jep imunitet dy javë pas dozës së parë

Instituti Kombëtar i Shëndetësisë Publike të Kosovës

Është bërë e ditur se njerëzit që marrin vaksinë kineze kundër Covid-19 zhvillojnë imunitet ndaj virusit brenda dy javësh nga injeksioni i parë, deklaroi Lu Xhinzhen, shefi i Grupit Kombëtar Farmaceutik të Kinës (Sinofarm), përcjell albinfo.ch.

Thuhet se Sinofarm aktualisht po e kryen fazën e tretë të provave klinike ndërkombëtare për vaksinat në Emiratet e Bashkuara Arabe. Vaksina pritet të dalë në treg në fund të dhjetorit 2020.

“Një injeksion jep një garanci për 97 për qind mbrojtje, antitrupat zhvillohen ngadalë. Normalisht, niveli i antitrupave të nevojshëm për ta luftuar Kovid-19 do të zhvillohet brenda gjysmë muaji. Nëse merrni dy injeksione, mbrojtja 100 për qind është e garantuar”, pretendon Lu.

Po ashtu, sipas tij, intervali midis injeksionit të parë dhe të dytë është 28 ditë, por në raste të veçanta të dyja injeksionet mund të merren në të njëjtën kohë. Shefi i Sinofarm siguroi që vaksina nuk do të jetë shumë e shtrenjtë.

“Ne presim që një dozë të kushtojë disa qindra juanë. Nëse ka dy injeksione, kostoja do të jetë rreth 1.000 juanë (144 dollarë)”, tha Lu.