Vazhdon rënia e rasteve në Zvicër: BAG raporton 923 infeksione të reja

415 persona aktualisht janë duke u trajtuar në spital për Covid ose 15 për qind më pak se në javën e kaluar

Zyra Federale e Shëndetit Publik (BAG) ka raportuar 923 raste të reja të testuara pozitive për koronavirusin në 24 orët e fundit.

Kjo e vë mesataren 7-ditore në 906 raste që është 17 për qind më pak se në javën e kaluar.

Incidenca 14-ditore është aktualisht 150.84.

BAG gjithashtu ka raportuar 39 shtrime të reja në spitale, duke bërë që mesatarja 14-ditore të jetë 22 shtrime në ditë, transmeton albinfo.ch. Kjo është 29 për qind më pak në krahasim me javën e kaluar.

415 persona aktualisht janë duke u trajtuar në spital për Covid ose 15 për qind më pak se në javën e kaluar.

Aktualisht, 143 pacientë me Covid-19 po mbahen në repartet e kujdesit intensiv. Kjo është 9 për qind më pak në krahasim me javën e kaluar. Shtretërit e kujdesit intensiv në spitalet zvicerane (përfshirë shtretërit ad hoc) aktualisht janë 70 për qind të zënë.

BAG raporton 9 raste të vdekjes nga Covid-19 në 24 orët e fundit. Mesatarja 7-ditore është 3 të vdekur. Kjo është 23 për qind më pak se në javën e kaluar.

---