Vazhdon tensionimi në veriun e Kosovës

Njoftohet se është plagosur në polic i Kosovës. EULEX-i apelon për qetësi. Komandanti i KFOR-it bisedon me Borko Stefanoviq

Lidhur me zhvillimet e fundit në veriun e Kosovës është prononcuar së fundi edhe  EULEX-i. Në një kumtesë të tij EULEX-i kërkon zgjidhje të qetë dhe paqësore si dhe shmangie të veprimeve njëanshme. “Është e rëndësishme që situata aktuale të zgjidhet në mënyrë të qetë dhe paqësore.

EULEX po bashkëpunon ngushtë me KFOR-in për ta bërë këtë dhe për ta ruajtur sigurinë. EULEX nuk ka qenë në asnjë formë i përfshirë në aksionin e ndërmarrë nga Njësitë Speciale të Policisë së Kosovës.

EULEX-i dhe Bashkimi Evropian në Bruksel e kanë bërë të qartë se çështja e vulave doganore duhet të zgjidhet nëpërmjet dialogut ndërmjet Prishtinës dhe Beogradit. Veprimet e njëanshme nga cilado palë nuk ndihmojnë aspak. Problemet duhet të zgjidhen në mënyrë paqësore”, thuhet në kumtesën e EULEX-it.

Një polic është plagosur me granatë dore në këmbë, ka njoftuar ministri i brendshëm, Bajram Rexhepi në orët e hershme të mëngjesit për　KTV. Ndërkohë, zëdhënësi i policisë, Brahim Sadria thotë se ai është jashtë rrezikut për jetën　

Lidhur me zhvillimet e fundit kanë raportuar edhe AP e Reuters , të cilat flasin për përpjekjet e Prishtinës për të marrë nën kontroll pjesën e saj veriore të kontestuar.

Raportohet se , në përpjekje për të qetësuar gjendjen, komandanti i KFOR-it, Erhard Buhler ka nisur një takim me shefin e ekipit negociator serb, Borko Stefanovic. Bogdanovic dhe Stefanovic që kanë mbërritur në veri kanë zhvilluar bisedime me përfaqësues të EULEX-it

Ndërsa radioja e Kosovës në gjuhën serbe KIM Radio raporton se Njësia Speciale po çarmatos policët serbë të Policisë së Kosovës.

Rreth 200 serbë janë tubuar tek pika 31, duke kërkuar largimin e forcave të Njësisë Speciale të Policisë së Kosovës