Vdes turistja zvicerane në një aksident me autobus në Turqi, dhjetë u lënduan

Anadolu Ajansi

Një turist nga Zvicra ka humbur jetën në një aksident me një minibus në provincën turke të Antalisë në Mesdhe. Dhjetë shtetas të tjerë zviceranë dhe shoferi i autobusit u lënduan, njoftoi të martën agjencia shtetërore e lajmeve Anadolu.

Turistët po udhëtonin nga aeroporti për në hotelin e tyre kur minibusi u përplas me një kamion të parkuar. Brigada e zjarrfikësve dhe ekipet e tjera të shpëtimit çliruan personat e bllokuar në makinë. Të plagosurit po trajtohen në spital. 44-vjeçarja zvicerane nuk mundi të shpëtohej, shkruan 20minuten.

Sipas mediave lokale, në bord ishte edhe bashkëshorti i saj. Nga aksidenti ka mbetur i lënduar rëndë dhe ndodhet në spital. Sipas agjencisë së lajmeve, autobusi ka qenë duke udhëtuar me shpejtësi të madhe kur ka ndodhur aksidenti. Aktualisht, kamerat e vëzhgimit janë duke u vlerësuar.

Siç tha EDA sipas kërkesës, ka dijeni për një aksident me minibus në provincën turke të Antalias me të lënduar dhe një shtetas zviceran të vdekur. “Konsullata jonë e përgjithshme në Stamboll është në kontakt me autoritetet përgjegjëse. Për arsye të të dhënave dhe mbrojtjes personale, nuk mund të jepet asnjë informacion i mëtejshëm”, tha zëdhënësi Pierre-Alain Eltschinger, përcjell albinfo.ch.