Vdes vëllai i presidentit Donald Trump

Ilustrim photo

Është bërë e ditur se Robert Trump, vëllai më i vogël i presidentit të SHBA-së, Donald Trump, ka vdekur në moshën 71-vjeçare. Lajmin e konfirmoi Shtëpia e Bardhë.

“Me hidhërim të thellë njoftoj se vëllai im i mrekullueshëm, Robert, paqësisht u nda nga kjo botë. Ai do të jetë një mungesë e madhe, por ne do ta takojmë sërish. Kujtimet e tij do të mbesin të gjalla në zemrën time përgjithmonë. Robert, të dua shumë. Pusho në paqe”, ishin fjalët e presidentit Trump për humbjen e vëllait.

Edhe djali i Donald Trump, Eric, bëri homazhe për Robertin. “Robert Trump ishte njeri i dashur dhe i fuqishëm. Ai do t’i mungojë shumë gjithë familjes”, shkruan në Twitter Eric. /Albinfo.ch