Lajme

Vedat Muriqi ia dedikon golin mikut që i vdiq nga tërmeti në Turqi

Sulmuesi i Përfaqësueses së Kosovës, Vedat Muriqi, ka treguar se goli i shënuar ndaj Basaksehirit ka një dedikim të veçantë.

E diel, 26 Janar 2020 - 9:40 albinfo.ch
Keystone (AP Photo/Matt Dunham)

Fenerbahce ka arritur të fitojë derbin e javës së 19-të në Superligën e Turqisë ndaj Istanbul Basaksehir me rezultat 2-0.

Njëri nga më meritorët në këtë fitore të kryeqytetasve pa dyshim ishte sulmuesi i Kosovës, Vedat Muriqi, i cili shënoi golin e dytë dhe të sigurisë.

Ky gol i yllit prizrenas ka rëndësi të veçantë, pasi ka thënë se ia dedikon mikut Mirac Can, i cili vdiq gjatë tërmetit që ndodhi të premten mbrëmë në Turqi, shkruan telegrafi, përcjell albinfo.ch.

“Unë ia dedikoj golin tim dhe fitoren Mirac Can, i cili vdiq gjatë tërmetit. Ai po më priste mua në Malatya për ndeshje, ai më shkruante mua”, ka thënë fillimisht Muriqi pas ndeshjes.

“Një i afërm i tij më ka shkruar dhe më tha se vëllai ynë humbi jetën gjatë tërmetit”.

 Të ngjashme

Tërmetet ndër rreziqet më të mëdha me të cilat përballet Zvicra

 Të tjera nga Lajme

Mediat zvicerane i bëjnë jehonë shqiptarit që hyri në veturën në flakë për të shpëtuar katër të rinj

 E-Diaspora

 Jeta në Gjermani