Vendas e mërgimtarë mblidhen në Marec për t’u njohur mes vete

Organizatorët thanë se shumë mërgimtarë i janë përgjigjur thirrjes për këtë tubim.

Me këngë e me valle e kaluan këtë të diel banorët e një fshati të Prishtinës, të cilët të ardhur nga vende të ndryshme të botës, u bën bashkë në fshatin e tyre.

Ata që kanë lidhje me fshatin Marec të komunës së Prishtinës, u mblodhën të gjithë së bashku. Qëllimi, sipas organizatorëve, është që t’i bashkojë të gjithë mërgimtarët dhe që të njoftohen mes vete, raporton Klan Kosova, përcjell Albinfo.ch.

Organizatorët thanë se shumë mërgimtarë i janë përgjigjur thirrjes për këtë tubim. Ndërsa bashkatdhetarët e mirëpriten një tubim të tillë.

Sipas organizatorëve, ky manifestim do të bëhet edhe në vitet e ardhshme dhe do të shndërrohet në takim tradicional./Albinfo.ch

---