Vetëm gjatë muajit janar diaspora ka dërguar afro 85 milionë euro në Kosovë

@pixabay

Banka Qendrore e Kosovës ka publikuar statistikat financiare për institucionet e tjera financiare dhe remitencat për muajin janar dhe në bazë të vlerësimeve preliminare, remitencat për muajin janar 2024 janë rreth 84.6 milionë euro.

“Prurjet më të mëdha edhe gjatë këtij muaji kanë qenë përmes IFJB 63.3%, përmes bankave 19.4%, ndërsa kanalet e tjera 17.3%”, thuhet në njoftim.

Tutje thuhet se remitencat deri në fund të muajit dhjetor të vitit të kaluar arritën vlerën e 1 miliard e 343.4 milionë euro, shifër që paraqet rritje vjetore prej 10 për qind.

“Asetet e kompanive të sigurimit në fund të muajit janar 2024 arritën vlerën e 312.2 milionë euro, e cila përfaqëson rritje për 6.8 milionë euro krahasuar me muajin paraprak”, thuhet ndër të tjera në njoftim, transmeton albinfo.ch.