Vetëvendosje i publikon emrat të punësuarve partiakë në Telekom  

Lëvizja Vetëvendosje ka prezantuar emrat e më shumë se 50 militantëve partiakë të AAK-së dhe PDK-së, që u punësuan gjatë vitit 2018 në Telekomin e Kosovës, në mesin e të cilëve edhe bashkëshorti i Donika Kadaj-Bujupit dhe gruaja e deputetit Mërgim Lushtaku, për të cilën kishte raportuar KTV-ja nëntorin e vitit të kaluar. 

Sipas VV-së, ky pushtet qëllimshëm ka përdorur strategji që çuan në degradim teknik, si lidhja e kontratave të dëmshme dhe punësimet e paligjshme, përcjell albinfo.ch

Këto, sipas këtij subjekti politik, çuan në shkatërrimin e Telekomit, dhe tash po tentohet privatizimi i saj në mënyrë që të përfitojnë milionat nga ky proces.