Veza e parë vegane në botë është prodhim zviceran dhe do të shitet në Migros

Një vezë që nuk vjen nga pula. Ajo mban emrin e prodhimit "V-Love The Boiled" është veza e parë e zier, që është prodhuar mbi bazë perimesh

Në nëntor të këtij viti, rrjeti më i madh zviceran i shitjes me pakicë, Migros-i do të sjell në raftet e veta vezën e parë  “të zier fort” në botë, me bazë bimore.

Gazetarja e portalit Watson e ka provuar këtë vezë dhe ky është përfundimi i saj.

Një vezë që nuk vjen nga pula. Ajo mban emrin e prodhimit “V-Love The Boiled” është veza e parë e zier, që është prodhuar mbi bazë perimesh, transmeton albinfo.ch. Është plotësisht vegane.

Migrosi ka prezantuar të premten për media produktin e vet më të ri. Watson ishte atje dhe e  ka shijuar këtë produkt “revolucionar”. Gazetarja, Vanessa Hann shprehet kështu rreth përvojës së saj të re: “Nuk është edhe keq, por ambalazhi plastik është josimpatik”.

Më tutje ajo thotë se e bardha e vezës shijon pothuaj plotësisht sikur veza e vërtetë ndërsa tek e kuqja… shija varet nga shkalla e zierjes. Në këtë rast, veza ishte e zier shumë kështu që nuk kishte materje të qullët.

Veza vegane bazohet në proteinën e sojës, transmeton albinfo.ch. Një paketë me katër vezë do të kushtojë 4,40 franga dhe duhet të dalë në rafte në nëntor 2021.

Megjithatë, në fillim, oferta do të jetë e kufizuar dhe e disponueshme vetëm në degët më të mëdha të Migrosit, në qytetet si Cyrih, Bazel, Lucern dhe Gjenevë.

---