Vihet në dyshim lansimi i filmit “A Rainy Day in New York”

Lansimi i filmit më të fundit të Woody Allen është vënë në dyshim, pasi distributori Amazon Studios ka njoftuar se ende s’ka vendosur për datën e lansimit. 

Regjisori 82-vjeçar që fiton çmimin Oskar me “Annie Hall” dhe “Midnight in Paris”, tradicionalisht ka publikuar çdo vit një film të ri. Kësisoj, ende nuk dihet data e lansimit të filmit ”A Rainy Day in New York,” në të cilin aktrojnë Timothee Chalamet, Rebecca Hall dhe Jude Law, shkruan Albinfo.com.

Xhirimet e këtij filmi përfunduan në 2017-n. Pasiguria mbi fatin e “A Rainy Day in New York” ndjek komentet nga disa të famshëm të Hollivudit që u distancuan nga Allen gjatë lëvizjes #MeToo, e cila nxori në pah sulmet seksuale, që kanë përfshirë industrinë e filmit vitin e kaluar.

Filmi i fundit i Allen, “Wonder Wheel”, me Kate Winslet, dështoi në arkat filmike, duke marrë vetëm 1.4 milion dollarë që nga lansimi në dhjetor të vitit 2017.

---