Vjosa Osmani: Me VV-në bëjmë koalicion kur ata i respektojnë simbolet shtetërore

Në një debat politik në televizionin T7, kandidatja e LDK-së për kryeministre, Vjosa Osmani, ka thënë se me Albin Kurtin dhe Vetëvendosje mund të bëjnë koalicion paszgjedhor vetëm nëse ata i respektojnë simbolet shtetërore të Kosovës siç janë flamuri dhe himni.

“Me Vetëvendosjen bëjmë koalicion vetëm nëse e pranojnë shtetin e Kosovës si projekt të përhershëm, nëse i respektojnë simbolet dhe flamurin e po ashtu edhe himin”, është shprehur Vjosa Osmani.

Po ashtu, sipas saj është punuar shumë që shteti i Kosovës të bëhet realitet.

“Është punuar me vite të tëra që shteti i Kosovës të bëhet realitet, ka pas shumë sakrifica, vrasje, gjenocid e çka jo tjetër që ta kemi këtë shtet”, ka thënë ajo.