Volkswagen do të paguajë 14.7 miliardë dollarë dëme për amerikanët

Kompania gjermane Volkswagen ka arritur një marrëveshje për të paguar 14.7 miliardë dollarë dëme për pronarët amerikan, pas pranimit  për mashtrimin disa vjeçar me emetimin e gazrave në veturat me naftë të shitura në SHBA.

Sipas një burimi të njohur me rastin, çdo pronar do të marrë rreth 10.000 mijë dollarë si kompenzim. 10 miliardë dollarë janë dedikuar për të riparuar ose për blerjen e rreth 475 mijë veturave, si dhe për kompensimin shtesë në mes 5.000 dhe 10.000 dollarë për çdo pronar.

Marrëveshja parashikon pagesën e 2.7 miliardë dollarë në fonde për mbrojtjen e mjedisit dhe dy miliardë për studime kërkimore të teknologjisë së gjelbër.

Për marrëveshjen në fjalë duhet të shpallet vendimi zyrtar, dhe para se marrëveshja duhet të miratohet nga një gjyqtar. Pronarët mund të refuzojnë ofertën e Volkswagen dhe ta padisin kompaninë.