Von der Leyen: E ardhmja e kontinentit është në rrezik

Pushtimi rus i Ukrainës është “një moment i së vërtetës për Evropën” dhe e ardhmja e kontinentit është në rrezik, thotë shefja e BE-së, Ursula von der Leyen.

“Fati i Ukrainës është në rrezik, por edhe vetë fati ynë”, tha presidentja e Komisionit Evropian në Parlamentin Evropian.

Lufta ruse në Ukrainë është betejë mes sundimit të ligjit dhe sundimit të armës, tha ajo.

Ajo ka paralajmëruar se BE-ja nuk do të pranojë kurrë qëndrimin se Ukraina nuk ka të drejtë të ekzistojë dhe ka dënuar agresionin e paprovokuar të presidentit rus, Vladimir Putin.

Ajo ka thënë se Moska po synon të ndajë komunitetin ndërkombëtar, mirëpo e ka arritur “krejtësisht të kundërtën”, duke cituar koordinimin e bllokut evropian me aleatët.

BE-ja ka reaguar “me shpejtësi të dritës” për të prezantuar pakon më të madhe të sanksioneve në historinë e bllokut, e cila do të ketë ndikim të madh në ekonominë ruse, ka shtuar ajo.

Von der Leyen ka pasur fjalë të ashpra edhe për oligarkët rusë:

“Mos u gaboni, ne do të bllokojnë edhe asetet e tyre, qofshin jahte, apo makina luksoze”.

Ajo e ka bërë edhe dallimin mes Kremlinit dhe popullit rus.

“Ekziston një Rusi tjetër përveç tankeve të Putinit dhe ne e zgjasim dorën e miqësisë për këtë Rusinë tjetër”, ka thënë mes tjerash ajo./Euronews