Votimi me postë për balotazh nga 4 deri me 17 nëntor

KQZ-ja ka njoftuar se fushata për raundin e dytë do të zgjasë vetëm pesë ditë nga 13 deri më  17 nëntor

24 kuti të votimit të zgjedhjeve lokale të 22 tetorit do të shkojnë në rinumërim. Kështu ka vendosur Komisioni Qendror i Zgjedhjeve.  Në mesin e këtyre 24 kutive të votimit, tri janë për kryetarë të komunave, të Prishtinës, Suharekës dhe Prizrenit, ndërsa 21 të tjerat për Kuvendet Komunale.

Koordinatori i Qendrës së Numërimit dhe Rezultateve, Burim Ahmetaj, ka thënë se rinumërimi duhet të bëhet për shkak të mospërputhjes së të dhënave brenda formularëve të rezultateve dhe mungesës së nënshkrimeve të kryesuesve të vendvotimeve.

Sipas Ahmetajt, deri më tash është bërë procesimi i 95 për qind të formularëve të zgjedhjeve për kryetarë të komunave dhe 41 për qind të formularëve për Kuvende Komunale.

KQZ-ja ka njoftuar se fushata për raundin e dytë do të zgjasë vetëm pesë ditë nga 13 deri më  17 nëntor. Periudha e  votimit përmes postës është caktuar nga 4 deri më 17 nëntor.