Votohet rezoluta për moskontrollim të automjeteve në kufirin Kosovë-Shqipëri

Me 69 vota pro dhe një abstenim është votuar propozim-rezoluta e propozuar nga PSD

Kuvendi i Kosovës ka votuar për rezolutën e propozuar nga PSD-ja për hapjen e tërësishme të kontrollit për hyrje-daljet e shtetasve të Republikës së Kosovës dhe Republikës së Shqipërisë nëpërmjet pikave të kalimit kufitar në Vërmicë, Qafë Prush dhe Qafë Morinë.

Me 69 vota pro dhe një abstenim është votuar propozim-rezoluta.

Dardan Molliqaj nga kjo parti tha se hapja e tërësishme e kontrollit për hyrje-daljet të shtetasve të Kosovës dhe Shqipërisë nuk paraqet problem as për procesin e liberalizimit të vizave dhe as për hapjen e negociatave të Shqipërisë.